10 - 01 - 2018, 04:38 PM
|
|
|
|
..::| الإدارة العامة |::..
|
|
|
|
|
|
مشاعرك حقيقية لكن
وافتكر العبارة دي:
"مشاعرك حقيقية ، لكن مش بالضرورة تكون بتعبر عن حاجة حقيقية"
أمثلة :
- إحساسك بالذنب مش معناه إنك مذنب فعلاً .. ممكن يكون السبب إنك نشأت في أسرة كثيرة الانتقاد أو عايش في مجتمع كمالي عنده الدنيا يا أبيض يا أسود ، لو مشيت بالمسطرة تبقى أبيض و لو اتزحزحت قيد أنملة تبقى أسود (all-or-none law).
- إحساسك إنك تقيل على اللي حواليك مش معناه إنك تقيل فعلاً .. ممكن يكونوا بيستنوا طلّتك و انت خجلان و مستخبي و حارمهم منك .
- إحساسِك بالعار لأنك تعرضتي لاعتداء جنسي مش معناه إنك تجلبي العار فعلاً .. حتى لو معظم اللي حواليكي شايفينك كده ، كل دول مش مقياس .
إحترم مشاعرك ، إدي نفسك فرصة تقف و تلقطها و تشوفها بوضوح ، اقبل إنها موجودة و عبر عنها زي ما هي ، لكن ماتنساقش وراها كأنها عين الحقيقة .. اتكلم عنها و أطلب مساعدة حد يساعدك تشوفها من فوق ، و اتدرب على اليقظة و التأمل و الوعي باللي بيدور جواك هنا و دلوقتي (Mindfulness) و شوف الحاجة زي ما هي بدون ما تحكم على نفسك بناءً عليها ..
و إوعى تلبس أحكام غيرك عليك برضه .
|