[walaa farouk]

ساعات كتير بسال ربنا ليه ما يغننيش و يريحني و يطمني برصيد حلو كده و اللي جاي بالعافية علي قد اللي رايح خصوصا في الغلاء و الدنيا الصعبة اللي عايشينها.. و ليه ما يردش اللي اتسلب مني و هو ليس قليل وسايبني اعيش يوم بيومه.. و اعاتبه امال ايه لمياه الراحة يوردني؟!
عرفت ان الخروف ما يحبش يشرب من مية جارية لانه بيخاف البلل يحسن صوفته تتشبع بالمية و يتقل و يغرق.. قوم الراعي يعمل ايه.. ياخده للمية الجارية بس يحط حجرة كبيرة في مجري المية في الحتة اللي حيشرب فيها الخروف فيقل سرعة تدفق المياه و يشرب الخروف من المية من غير ما يخاف براحته لحد ما يشبع بس من غير ما يغرق.. ساعات ربنا يمنع اللي نفتكره احنا خير لانه ممكن ما نستحملهوش!!! و اللي زيي صوفته تقيلة بخطيته يغرق بسرعة غير الغزالة الخفيفة اللي تتمرغ في المية و تتنطط علشان كده تشتاق لجداول المياه.. فلو انت شايف ان ربنا مش عاوز يغنيك او يديك حاجة نفسك فيها و يمكن شايف انك تعبت و تستاهلها.. ما تزعلش.. مش بيديك لانه بيتحداك و لا مش عاوز خيرك.. لا.. بالعكس بيحبك .. و خايف عليك يحسن تغرق..