23 - 12 - 2017, 07:19 AM
|
|
|
|
..::| الاشراف العام |::..
|
|
|
|
|
|
اب قاسي جدا ..حبس بنته في البيت
بحجة انه بيحبها و خايف عليها
ينزل يجيبلها.كل طلباتها ..لو لبن العصفور
و من كتر اهتمامه بيها ..ساب اشغاله ..و اتفرغ لخدمتها
بحجة انه بيحبها و خايف عليها
هو ذكي ..لكن قاسي
خايف لا تغلط
ماتسيبها تغلط ..تغلط و تكبر
من كتر اهتمامه تعب ..رقد في السرير
اضطرت هي تنزل تشوف الحياة
و لأنها ..سازجة ..و هو عودها ماتكبرش ..و ماتعرفش ..
ضحك شاب عليها ..و خطفها ..هربت منه
و تاهت عن البيت
نزل ابوها ..يجر رجله بالعافية ..يدور عليها
.ينادي ..من كتر اللف ..تعب ..وقع في الشارع ..و.مات
مات من.تعبه و حسرته
دي حكاية عقلك ..القاسي مع قلبك الساذج
عقلك عامل فاهم ..عامل خايف علي مشاعرك
بيحسب كل خطواتها
خانقها و حابسها بين حيطان الافكار
و من كتر انشغاله بيها ..مبقاش مركز في شغله
بقي بيسرح و يتوه ..
و لما تعب ..ساب المشاعر ..ماصدقت ترمح ..
غلطت و اتخدعت ..و هربت و تاهت
و خرج مزعور يدور عليها ..
بين العلاقات ..بين.الغابات ..
و لكن بعد ماشاخ ..و شاخت عينيه
و معادش شايف
وقع من طوله ..وماتت طموحه ..بين الغابات
في الاكتئاب ..
|