[Rena Jesus]

زمان كنت بشوف البنات اللي كل شوية تعبّر لصُحابها عن حبّها ليهم و تقعد تكتب في posts I LOVE YOU انهم ناس over اوي و cheesy بزيادة..
كنت بحب الناس "الناشفة" اوي دول.

لحد ما اكتشفت اننا في وسط الضغط و في وسط زحمة الحياه دي و في وسط كل الدوشة دي ممكن نقف دقيقة واحدة نسلّم على حد من صُحابنا بحُب،
نحضنهم و نقولهم "وحشتيني" ،
"شكلك حلو انهارده"
"لابسة حلو كدة رايحة فين؟ "
أو تفتكر حد و تبعت message "انا بحبك اوي".. أو دعوة حلوة كده تفرِح القلب..

الحاجات دي pain killers بجد،
فرحة ان في ناس بتحبنا و باقية علينا، فرحة ان شكلنا حلو انهاردة، لبسنا chic ،
محبوبين في المكان ده...
فرحة ان لسة في حد بيسلم عليك بحُب مش بيسلم و يجري
كأنه واجب..

السنة اللي فاتت جرّبت اعمل حاجة كدة،
اني كل يوم قبل ما انام ابعت لأي عدد عشوائي من الناس و أي حد من غير ما أركّز هي مين message فيها دعوة حلوة عشان تشوفها اول ما تصحىٰ ..
لك أن تتخيل ردود الأفعال الرهيبة قد ايه الناس بيفرق معاها الكلام ..
اللي مخدش منى نص دقيقة .. الناس بتحب تسمع الكلام الحلو ..

احنا محتاجين نسمع كلام ايجابي و كلام حلو،
محتاجين في وسط الدوشة اللي في دماغنا نوقّف شوية و نسمع كلام من اللي قريب للقلب..
اوعى تبقى "جاف" "جامد المشاعر" عشان من احلى الحاجات ان كلامك يبقى بيطبطب على الناس حتى بأبسطه.