[walaa farouk]

كان فيه راجل شكله وحش اوي ومخيف
في مرة تم استدعائه لمدرسة ابنه
وبالفعل راح يشوف فيه ايه
ولما اصحاب ابنه شافوه قعدوا يتريقوا عليه كتير جدا وعلى شكله
الولد اتضايق جدا .. وطلب من ابوه انه مايظهرش معاه في مكان تاني علشان يتلاشى التريقة اللي بيسمعها من اصحابه
يمر الزمن والولد يكبر ويبقى نحات عظيم ، والاب يتوفى
فرح الإبن انه تخلص اخيراً من الإحراج اللي كان بيتسبب فيه والده
وفي يوم قرر الابن انه ينقل السكن بتاعه من مكان لمكان
وهو بينقل لقى ملف مليان اشعات وفحوصات وتقارير لمجموعة عمليات كبيرة عملها الاب
وبعد التحري .. لقى مذكرات والده اللي كاتب فيها ان زمان مجموعة لصوص حاولوا يخطفوا الطفل الصغير للتجارة بأعضائه هو وغيره من الاطفال
واتعرض الاب لضرب مبرح افقده اتزانه وكاد ان ينهي حياته
ولكنه تمكن في النهاية في الحفاظ على ابنه نتيجة هروبهم
لكن بعد تشوية وش الاب بالألات الحاده اللي اتضرب بيها

حزن الشاب كتير على سوء المعامله اللي كان بيعاملها لأبوه
وحزن اكتر بسبب صمت ابوه طول الفترة دي
وقرر يخلد ذكرى والده بإنه يفرغ نفسه تماما لعمل الماسكات
وقرر يصنع ماسكات على نفس شكل والده ويوزعها هدية في عيد الحب
وحكى قصته بالكامل على الراديو وكل وسائل الإعلام
واصبح هذا الأب الأشهر في مدينته .. وسبب فخر كبير لإبنه
وتم تسمية مدرسة الإبن على اسم والده

احساس سئ عندما يولد الحب بعد فوات الأوان ،،
والأصعب انك تكتشف كم ظلمك لإنسان لم يعد موجود ليسمع الإعتذار ..