[walaa farouk]

اتعلم اما تيجي تحـب بنـت .. اعشقهـا اووي . !!
بلاش تتقل عشان يعني إنتـه راجل ومـش ينفع تكون خفيف كده ..!
لا ده مش صح اعترف بكل حاجه فـ قلبك ..
قولها إنـي من غيرك ولا حاجة .. فهمها انك بتبقى ضعيف جدا مـن غيـرها ..
صدقني مش هتفهمك غلط ولا هتقول عليك اي حاجة
بلاش تخلي كبريائك يقتلك .. أو يمنعك من الاعتذار
غلطان اتأسف ! قولها ماتزعليش مني ..!
حاول تحتوي علـى كل حتة فيها .. أوعاك تخليها فيـوم تنـام زعلانه وهـي بتبقـى مستنيـه إتصـالك فأي لحظـه..!
أعرف هي عاوزه إيـه من غير ماتقولك .. افهمها من نظرة عنيها ..!
اعرف تفاصيلها وتفاصيل حياتها بـ قلبك مش لازم هي تحكيلك ..!
بلاش تكون قاسي لدرجة انك عشان راجل فـ كلامك هو اللي يمشي ..!
ماتبخلش عليها حتي لو قالتلك سبني دلوقتي معلشي
ماتزهقش منها .. وحاول قرب مرة واثنين وعشـرة غصب عنها هيجي يوم وتحكيلك من قبل ماتقولها مالك .. هتحبك وهتحب اهتمامك بتفاصلهـا وحيـاتها جداً ..
حاول تجبلها كل حاجة بتحبها عشان بس تسمع ضحكتها ..
و فـ وقت وهي بتضحكلك، حاول تفهمها أكتر من نفسك
إوعاك تسمع كلام حد يغير فـ شخصيتك ويقولك اتقل شوية ياعم بـلاش تبقـى مدلـوق كـده !!!!
انت راجل ماينفعش كده ( البنات بتحب الواد التقيل )!!!
الكلمة دي غلط مليون مرة والله .. البنت اللي بتحبها دي
بتبقى نفسها فـ كل حاجه تبقى نفسها تفرشلها الارض ورد
حاول تبسطها وتفرحها وتخليها مش محتاجة لحاجة ..!
حتي لو بكلمة منك .. زي انا مفتقدك واحشتيني ..!
حاول تلملم روحها وتخبيها جواك وتطمنها وتقولها ماتخفيش انا جمبك ..
عمر ما كان الاعتراف غلط، ولا عمر اللي كان فـ قلبك انك تقولوا غلـط !!
ولا عمر كلمة انا اسف ضعف ..!
ولا عمر إنك من حبك وخوفك عليها تبكي . !
لو بتحبها بجد خاف عليها وإحتويها ..
متخلهاش تخاف منـك وطبطب عليها !!
في عز ماهي محتجاك كـون أكتر واحد جمبها
وأوعي مرة تستخبي ولا تداري انك بتتكلم معاها !
خاف من اي كلمه ممكن تجرحها ,خليك ضهر ليها ف أي مكان وأي زمان
و دايما حاسسها بالامان و انك مش لوحدك و علي طول جمبها ..
ماتشوفش حد ف الدنيا غيرها وبس ؟؟ ماشي ؟؟!!
اعرف اللـى بتحبه و اعمله عشان بس تشوفها فرحانه ومبسوطه ..
إتعب وإعمل علشانها المستحيل واتحدي كل الناس
حافظ عليها .. خليك جدع وراجـل .
أعمل كل حاجة ممكنة أو مش ممكنة عشان تكملوا عمركم سوا ف الحلال ..
الحب احترام