[walaa farouk]

ممكن اقول حاجه بس محدش يزعل ؟!
طبعآ البنات عارفين كويس اني من اكتر الناس اللي بتتكلم عنهم وبدافع عنهم طول الوقت ..
لكن ده ميمنعش اني اقول بكل صراحه اني ..
( مبحبش المنظر ده! ) ✋
طبعآ عارف ان اللبس عمومآ حريه شخصيه .. وكل واحده من حقها تلبس اللي هي عايزاه .. لكن برضه من حقي اني اقول رأيي .. و رأيي ان بنات كتير للأسف بقيت ماشيه ورا الموضه من غير ما تفكر .. بس اللي انا نفسي افهمه ؛ ايه علاقة المنظر ده بالجمال ؟!
وبالمناسبه .. برضه مالوش علاقه ب أي اغراء !!
ف الستينات كان معظم لبس البنات ف مصر فساتين او ميكروجيب .. وقتها كان المجتمع مثقف وواعي وكان طبيعي ان البنت تلبس كده من غير ما حد يضايقها .. وف نفس الوقت كان لبس البنات دليل علي الأنوثه والرقي و الجمال " اتفرجوا علي افلام زمان وانتوا هتعرفوا كنا فين وبقينا فين! "
لكن دلوقتي هموت واعرف ايه علاقة البنطلون المقطع ده ب الأنوثه ؟! .. حد يقوللي يمكن مش واخد بالي !!
وطبعآ في منه اشكال والوان .. وكل ما تبين رجلك اكتر .. كل ما بقيت ع الموضه وشيك ..
يا جماعه ..
الموضه اللي متتناسبش مع افكاري وشخصيتي يبقي بلاش منها .. ✋✋
مش كل موضه بتطلع بتليق علينا ..
ولا كل حاجه الناس بتعملها نقلدها
البسي اللي انتي عايزاه بس اللي يليق عليكي ويليق بيكي ..
وخلي بالك .. "جسمك غالي" .. بلاش ترخصيه 💝 !

"مينا مجدي"