أشكُرك على كل مرة قولتلي فيها "لأ" وأنا مش فاهم ليه!؟ بس بعدها عرفت أن كلمة "أيوة" كانت هاتضيع حياتي..
أشكرك لأنك مش بتطاوعني في رغباتي وأحلامي كلها..
أشكرك لأنك عايز مصلحتي حتى لو هاتيجي بوجع!
أشكرك لأنك بتحبني صح مش حسب خيالي وتوقُّعاتي..
اشكرك لأنك صالح في عينيا لدرجة اني ممكن استحمل اي حاجة صعبة ومؤلمة لمجرد بس انها من ايدك ..
أشكرك لأنه برغم كل الضلمة اللي بعدّي فيها دي.. لسا شايفك بابا ..