26 - 11 - 2017, 08:19 PM
|
|
|
|
..::| الإدارة العامة |::..
|
|
|
|
|
|
شفتك يا مصر من ورا الأهرام بتبكي شفتك يا أمي دموعك نازلة بحرقة بتحكي
روحت أطبطب وأحضنك .. وأجمع دموعك وسط جرحي وأحطها
كنت بصرخ إلحقوا أمي بتبكي في حزنها أمي بتجري بتصرخ فوق دم إبنها
هاتي يا أمي دموعك وإمسحي دم الكنايس والمساجد ..
طفل يا أمي إتقتل كان بيصلي ساجد .. مجرم بيسفك دمنا ماهو أصله شيطان وجاحد ..
واحد بيفتي بقتلنا .. واحد يحلل دمنا .. واحد بيصرخ إقتلوا الكفار دول مش مننا.
لكن يا أمي
متزعليش إن القلب جواكي إنكسر ..
متزعليش إن الشر في يوم إنتصر .. متزعليش بُكْرَه هيجي يوم سعيد .. متزعليش بُكْرَه يا أمي مش بعيد.
|