البنت المسيحية مش شمال
دى و الله تتاقل بكنوز المال
محبة و طيبة و ادب و اخلاق
زى ما الكتاب ما وصى و قال
اوعاك تفكر ان لحمها رخيص
ميلعبش بعقلك شيطان خسيس
عمر اللبس ما كان مقياس
من خلاله اوعى تفكر تقيس
المقياس مش بالواسع و الضيق
أنت اللى تفكيرك دايما سيء
متحكمش عليها كده بالباطل
ولا تفكر ولا تتخيل ولا تتهيء
متقولشى عليها صيدة و فردة
متفكرشى أنك بيها تتغدى
دى قادرة تفطر ب ألف زيك
دى عقلها مفتح زى الوردة
مهما أن تلف عليها و تدوور
هترجع جناحك عليل مكسور
دى عاقلة و واعية و فاهمة
ازاى هتزرع فى الأرض البور
هفضل أعيدها كتير و أقولها
المسيحية مش هتعرف تاكلها
لو أنت ابن راجل فعلا
ابقى اوصل ليها و طولها
دى بنت ب 1000 ولد
ولا يملا عيونها أيها بلد
مصرية شديدة عفيفة جريئة
مشاعر القوة جواها بتتولد
المسيحية ملهاش فى دعارة
ولا فيلا و شقة فى عمارة
أديها و أخلاقها و جدعنتها
أكبر دليل و اقوى أمارة
كلمات : محمد فتحى