[Rena Jesus]

يعني
..مراتك
... زوجتك
اللي عايشة معاك بقالها سنييييين وسنين
ولسه لحد دلوقتي مكملة معاك .. لسه بتقول عنك إنك عشرة عمرها
اللي برغم إنك هنتها كتير وجرحتها أكتر إلا أنها لسه بتصبر عليك
بتداري وجعها لما يعدي يوم واتنين من غير ماتطمن حتى هي عاملة إيه
وبتعمل نفسها مش واخدة بالها علشان بس تعيش

اوقات كتير قوي بتنام وهي بتكلمك
وأوقات أكثر بتقولها اقفلي دلوقتي عشان مش فاضي أو بتقفل ف وشها السكة ،
وبتعديها بس من جواها بتحس احساس بجد ربنا ما يكتبه عليك ولا على أي حد
ياااما احرجتها قدام أهلك أو قدام حد غريب وبتداري دمعتها جواها وتعمل نفسها قال يعني مش فارق معاها ,
بس من جواها بتكون موجوعه
تبقى أمنية حياتها إنك تفاجئها أو تجيبلها هدية أو حتى خروجه مش لازم في المكان اللي هو ........
هي كل همها انك تكون حاسس بيها بس

أو حتي تقولها انك علي الأقل بتحبها أو انها وحشاك هتلاقيها طايره من الفرح
وتبص تلاقيها هي اللي تديك الاحساس اللي هي محتاجاه وتفاجئك عشان تعوض احساس إهمالك ليها .......
بــ إنها تشوفك مبسوط
وبتطلب طلبات كتير وهي عارفه إن مافيش حاجة منها هتتنفذ
ولو اتنفذ طلب بتكون مستني منها تصوم عليه سنة وبتنسي إن من حقها إنها تطلب منك كل اللي نفسها فيه

بتعيش يومها ع النظام بتاعك إنت ، على مواعيد شغلك .. على أجازاتك ،
عشان في الآخر لما تفضي تدي الوقت ده لأي حد تاني... إلا هي
وبتستحمل ... بتستحمل .. و تسكت .. وساعات بتزعق وتخانق اه ..
بس ساعات اكتر بتدمع
بتسكت وتستحمل مش عشان هي ضعيفة ولا صعب إنها تكون إنسانة وحشه
لا هي بتستحمل لأنها برغم كل ده لسه باقية عليك ،
وماتقدرش تتخيل نفسها مع حد غيرك لسه عايزة تعيش مبسوطة معاك
عايزة تعيش سعيدة ف بيتها وسط جوزها
وبتضحي بكل حاجة مقابل الاحساس ده

فبلاش بقى تدوس عليها وتوجع فيها أكثر من كده ،
إلحق قدّرها وحس بوجودها ف حياتك ..
قولها إنك بتحبها واشحنها عشان تقدر تكمل ...
بلاش تكون أنت الكابوس اللي بتلعن حياتها بسببه
بلاش تكون أنت السبب ف إنها انطفت وبطلت تضحك من قلبها من جوه
بلاش تخلى حضنك مكان غريب ليها بعد ماكان هو سكنها والأمان ليها
بلاش تكون أنت المدمر الأساسي لكل أحلامها وتثبتلها انك أكبر غلطة هي غلطتها ف حياتها
انا مبقولش إنها ملاك ولا عمرها هتكون ،
بس صدقني ربنا هيحاسبك عليها ..زي ما هيحاسبها عليك بالظبط ،
بس وقتها حسابك إنت هيكون أشد لأن دموعها مش بالساهل