[walaa farouk]

لازم تكون عارف الفرق بين الحب والعشق ..!
عشان تقدر تحدد لما قصتك تنتهي شكلك هيكون عامل ازاى؟!! يعنى هتزعل شوية وتكمل حياتك ولا حياتك اساسا انتهت؟!!
عموما الحب هو ..
" مكالمة تليفون، مقابلة،كلام حلو ، هدية، وردة، خطوبة وبتوصل لجواز برضه"
بس وقت المشاكل بتسمع .. شخصيتي انا محدش يتحكم فيها كرامتي فوق كل شيء ..
ده الى جانب شيء خطير جدا ، ان كل طرف شايف دايما انه صح ومبيغلطش ملاك نازل من السما بس خبى جناحته ..
أما العشق هو ..
" بتكون شايف نفسك دايما مقصر، وشايف اللى معاك كتير عليك، مش محتاج تكون مع اللى بتعشقه اون لاين 24 ساعة، عشان تعرف هو ايه مزعله، او مشكلته فين ومع مين بالتحديد! ، وده لأنه بالفعل دايما معاك و على بالك. وانت نايم وانت صاحي وانت مسافر وانت حتي ف الحمام
فبتكون حفظت كل حالاته اللى بيكون عليها .. يعنى لو شفته زعلان بيكون كده، وبتكون عارف السبب من غير ما حد يقولك،.لان انت نفسك مبتعرفش انت بتعرف ده ازاي؟ كلامك بيكون واخد نبرة الناصح القلقان الخايف المرعوب على اهم شيء في حياته، مش شرط تكونوا بتكلموا بعض كل يوم عشان، توصل للمراحل دي، لأنك بتكون دخلت جواه وشايفه ، مفيش كرامه، مفيش انا وانت، مفيش حد شايف نفسه اصلا!!، لانه كل تفكيره ازاى يسعد التاني!!
الخلاصة:
لو بتحب كويس، هتحب تاني وتالت، وكرامتك متعلقه قاصدك دا ف الحب ، انما لو بتعشق ف العشق بيحصل مرة واحده بس مبيتكررش وكرامتك دايما ف امان ومتصانه معاه ....