[walaa farouk]

مش كل مواجهة بتكون صح.. ومش كل تجاهل برضه صح ! ..
_فيه حاجات فى حياتنا لازم نواجهها.. وفيه حاجات تانية محتاجين نتجاهلها ! ..
_محتاجين نجامل ناس من غير مبالغة أو نفاق ..
_ومحتاجين نصارح ناس بس من غير ما نجرحهم ولا نوجعهم ..
_مش كل مواجهة بتكون صح.. ومش كل تجاهل برضه صح ..
_فيه تجاهل مهين ! ..
فأحيانا يكون التجاهل شكل من أشكال العنف السلبى .. لما أقصد أوصلك رسالة " أنت لا تعنينى" وده بيكون فيه عنف و إهانة ..
_لكن هناك تجاهل ذكى محتاجين نميزه و نتعلمه ! ..
لإنه ليس كل أمر فى الحياة يستحق وقوفك ..
_فالحياة تحتاج فى أوقات الى تجاهل بعض الأمور
" كتجاهل أفعال صغيرة .. تجاهل أقوال .. و أحيانا ردود افعال اشخاص "! ..
يعنى مش لازم تقعد تفت الفتة .. فيه حاجات كده محتاج تعديها ..
_يعنى أشترى دماغك بس بوعى منك ..
و ده مش معناها إنك تبلع مواقف أكتر من احتمالك !..
_ فيه مواجهة صحية " محتاج فيها إنك توارب الباب شوية و ما تقفلوش " ! ..
- و فيه تجاهل ذكى بتشترى نفسك بيه ...
_فأحيانا يكون وراء الأسلوب الساخر و تلقيح الكلام خوف من المواجهة ...
_فعندما تصبح هذه الطريقة هى أسلوب حياة فأعرف إنك أمام شخص يخاف من المواجهة ..
و بيواجهه خوفه ده بعنف سلبى " السخرية " ... وده بيكون زى ما بنقول عليه بالبلدى كده قصر ديل يعنى !
_أفضل طريقة للرد هو الصمت و تجاهل الكلام و هنا لا أعنى تجاهل الشخص نفسه حتى لا يتحول الرد الى عنف سلبى مماثل !
_فأحيانا مواجهة الأحمق حماقة !!
_فأنا هنا بأعلن بصمتى رفضى للأسلوب الذى تبناه الشخص للمواجهة ..
_هنا المواجهة الصامتة تعتبر تجاهل ذكى
.... فالصمت هنا بيكون كصوت الرعد و بيكون صوته أعلى من أى كلام ممكن يتقال ! ..
_أعتقد إن هذه الطريقة تحقق أقل خسائر ممكنة !
_فهناك أحتمال أن الطرف الساخر يراجع نفسه أو طريقته مع نفسه !..
و إن كانت هذه مسئوليته و ليست مسئوليتى !!
_فمن حقى أرفض طريقته فى المواجهة ..
و برضه من حقه ان يحترم كشخص حتى لو اخطأ التعبير !!
_ محتاجين نوزنها صح جوانا الاول
_لأن التوازن النفسى بيكون من جوه لبره مش العكس