[walaa farouk]

ليه كتير من الستات والبنات مبيقدروش يدافعوا عن نفسهم لما بيتعرضوا للاغتصاب؟ لأن اغلب اللي بيتعرضوا للحوادث دي بيتعرضوا لحاجة اسمها الشلل المتوتر tonic paralysis وهو نوع من الشلل المؤقت احيانا بيشل حركة المرأة تماما واحيانا يمنعها كمان انها تصرخ طلبا للمساعدة والشلل ده بيحدث بشكل أساسي في الاعتداءات الجنسية واحيانا في الاعتداءات غير الجنسية لكن بيكون حدوثه في الاعتداءات الجنسية ضعف حدوثه في انواع الاعتداءات الاخرى، ووجد العلماء كمان ان الشلل ده لما بيحصل بتكون الفرصة اكبر ان الضحية تعاني من اضطراب الصدمة PTSD والاكتئاب اكثر من غيرهم وطبعا ده لان الستات بيلوموا نفسهم على حاجة هما مالهمش يد فيها ولو نفتكر فاتن حمامة في فلم الحرام لما كانت يتلوم نفسها ليه ما قاومتش واللي انتهى بموتها طبعا، كمان لقي العلماء ان الشلل المؤقت ليه وظيفة تطورية جاية من أسلافنا واحتمال من قبل أسلافنا، بمعنى انه بيحمي حياة الضحية لأنهم اكتشفوا ان النساء اللي بيقاوموا الاغتصاب بيكون احتمال موتهم اعلى من احتمال نجاة اللي بيحصلهم الشلل المتوتر وده بيخلينا نكون متواضعين وحنيين شوية على البنات لما يتعرضوا لاعتداءات جنسية ونقعد نلومهم ونقلوهم مادفعتيش عن نفسك ليه؟!
كان لازم تدافعي عن نفسك