[walaa farouk]

لما تكون بقالك فترة مقصر مع حد من أصحابك ومشغول في اللي انت فيه وتقابله صدفة ..

أول وأقل حاجة هيعملها أنه هايعاتبك " انت كنت فين ومسألتش ليه وانت مش مهتم وأنه خلاص مبقاش فارق معاك والباقي انتوا عارفينه!!
ولما تكون بقالك فترة مقصر مع ربنا ومشغول في حياتك وتلاقي فجأة وأنت بتتكلم في موضوع معين أو بتقول جملة عادية وتلاقي حد يقولك "تصدق انت ربنا بعتك ليَّ النهاردة بالكلمتين دول أنا كنت محتاج اسمع الكلام ده انت من جواك هاتتكسف من نفسك صح !! وتبقى عاوز تقوله " آه لو تعرف اللي فيها " .. دي الطريقة اللي اوقات كتير ربنا بيحرجنا بيها وبيقولك وحشتني، مش بيعاتب ولا بيجرح، بيحرجنا بحبه اللي مهما بعدنا ومهما عملنا يقولك ولا يهمك .. تعالى .. انت واحشني..