[Rena Jesus]

بس إنتى ما ينفعش يوحشك حد مش بتوحشيه ،
ولا تستنى حد بطل يستناكى ،
ولا إنك تسهرى علشان حد هو اول ما بيحط دماغه على المخده بيبقى فى سابع نومة ،
ولا أنك تستنى كلمة حلوه منه ، وتفتكرى حد مش فاكرك ،

ما ينفعش تاخدى بالك من حد هو مش واخد باله منك ،
وتزعلى على حد هو مش زعلان عليكى ،
او تعيطى على حد مش هأيهزه أنه يشوف دموعك ،
ما ينفعش تبقى باقية على حد هو مش باقى عليكى ،
ولا تتمنى حد هو بيتمنى غيرك ،

ما ينفعش تتعبى عشان حد هو مرتاح من غيرك ،
او تتوجعى من فراق حد ، هو مش هيموت من بُعدك ،
ما ينفعش تحبى حد أكتر من نفسك ،
ما ينفعش تنسى نفسك جوا حد ،
ما ينفعش تضعفى ولو ضعفتى ما ينفعش تكملى ضعيفة هيستغلوا ضعفك بأبشع طريقة ،
ما ينفعش ما تخلييش بالك من نفسك وقلبك عشان مش أى حد يستاهلهم