27 - 10 - 2017, 09:38 AM
|
|
|
|
..::| الاشراف العام |::..
|
|
|
|
|
|
في مقولة قديمة بتقول " جالس جميل الروح تصيبك عدوي جماله " ..
يمكن ناس كتير مش بتاخد بالها من الموضوع دا بس لو ركزنا كدة شوية ..
هنلاقي إن أكتر وقت كنا مبسوطين فيه ومستقرين نفسيا ..
بنفكر بشكل إيجابي و حاسين إن كل مشكلة ليها حل
هو الوقت اللي كان حوالينا فيه ناس روحها حلوة ..
ناس بيدعمونا و بيضحكوا ف وشنا و عمرهم ما بيقللوا من طموحاتنا ولا الحاجات اللي بنحب نعملها حتي لو كانت مش مهمة بالنسبالهم ..
ناس مدركين كويس تأثير الكلام اللي بيقولوه علي اللي حواليهم ف بيركزوا ف كل كلمة قبل ما يقولوها و بيتجنبوا أي كلام ممكن يضايق غيرهم حتي لو هزار..
ناس أسوياء و مبيغيروش من حد ولا بيتمنوا الشر لحد ..
خليك معاهم علشان بجد وجودهم بيغير كل حاجة للأجمل و بيغيرك انت كمان للأجمل
|