[walaa farouk]

اوقات بتبقي شايل حمل مش حملك.. ومطرود بسبب حاجات انت معملتهاش.. وابواب بتتقفل في وشك وانت مالكش زنب... وكل امنياتك وافكارك فجاءه تتهد بسبب مواضيع انت نفسك رافضها بس حطوك فيها.. عاوز اقولك ان الحاجات دي بتوجع اوي لما تحس انك بتتعاقب علي زنب معملتوش.. واللي يوجعك اكتر ان الأشخاص اللي سببهم انت مظلوم ومجروح ومطرود مش حاسين بوجعك ده ويقولوك ولا يهمك هي الناس باقت كده قاسيه وناسين انهم سبب القسوه...بس عاوز اقولك حاجه مهمه مافيش شئ في حياتنا غير بأذنه ربنا هو السامح بكل وجع وكل ظلم وكل طرد وكل باب مقفول بس مش علشان يذلك لكن زي ماقال في سفر التثنيه( يعلم ما في قلبك انت تحفظ وصاياه ام لا).. اه مجروحين ومطرودين وكل حلم مقفول بس في الاخر احنا بتوعك يارب.. هانفضل معاك وهانفضل نخدمك وهانفضل نحبك.. هانبص عليك وانت علي الصليب شايل حمل مش بتاعك. مظلوم مجروح مطرود بسبب حاجات بردو انت يارب معملتهاش..بص علي الصليب وقوله يا مصلوب اسندني في صلبي... يا مصلوب اسندني في جرحي.. يا مصلوب اسندني في طرد الناس ليا.. يا مصلوب اسندني في ظلم الناس ليا... قوله يارب انا عارف ان وجعي مش رخيص عندك.. وعلمني يارب فى وجعي ازاي بجد اعمل علاقه اقوي معاك ولما اقرا كتابك وكلامك اشوفوا بشكل مختلف.. قوله يا مصلوب انا بتاعك ومستني تعليني بيك.. ماتخافش وجعك مش رخيص عنده