[walaa farouk]

ربنا اختار داود يكون ملك برغم ان ابوه مجبش سيرته لصموئيل عرض عليه كل ولاده الكبير والطويل والعريض
ماعدا داود .. داود اصلا مجاش فى باله كان ابوه مستصغره ومش صغر سن بس لا كمان تقليل حتى اخواته كانوا شايفين انه كده . لكن ربنا قال كده لصموئيل وجدت داود حسب قلبى
ربنا حكمه ونظرته كانت على القلب الداخل لا بالشكل ولا بالقوة ولا بالامتيازات .. ربنا بس اللى ميز داود ميزه فى وقت اقرب ناس لداود كانت بتوضعه بتقلل منه ..
اقرب ناس لداود شايفاه ماينفعش غير لرعى الغنم شايفينوا ماينفعش يكون حاجه غير كده ..
ربنا حب داود وحب قلب داود ..
داود كمان حب ربنا بقلبه فى كل حاجه كانت بتحصله كان القلب اللى بيمشى داود حتى لما رجعوا بتابوت العهد داود رقص قدام التابوت رقص ومهموش يكون ملك مهموش ان زوجته تحتقره او تقلل منه اصلها بنت شاول الملك كان بيرقص كاتعبير من قلبه ..
وده كان بيفرح ربنا اصل ربنا عايز القلب ياما قالها بطرق كتير ياابنى عايز قلبك .. قال اعطنى قلبك ماقلش اعطنى فكرك او علمك او عقلك او طولك او عرضك او شهادتك او جاهك او مالك او منصبك ربنا فوت كل ده وقال قلبك ..
داواد فى صغره فى ملكه فى قوته فى ضعفه كان بيتعامل مع ربنا بقلبه
ياريتنا نبقى داود علشان نكون حسب قلب ربنا