[Rena Jesus]

الحب مش معناه انك تحول اللي ادامك لمسخ علشان يوافق توقعاتك.
انك تخليه يتخلي عن اهتماماته واصحابه وشغله اوقات علشان يثبتلك انه بيحبك وبيفضلك.
ده مش حب ،
دي الانا بتاعتك عايزة تثبت لنفسها انك ليك سيطرة وسلطة عليا علي الطرف التاني.
انت مش شايفه ولا يفرق معاك في حاجة.
انت شايف احتياجك للسيطرة واثبات نفسك
.

عايز تحس ان فيه حد بيضحي بنفسه علشانك
علشان انت من جواك حاسس بعدم امان.
مش مصدق ان شخص بكامل ارادته ممكن يختارك وهو حواليه ناس ومحقق نفسه .
بتحاول تتحكم فيه علشان تضمن انه مش حيسيبك لما يكتشف انك شخص ضعيف وخايف من جواك.

لو اختارك من الاول ، يبقي اختارك علشان كان عايزك ،
علشان حابك، متبقاش انت اللي بتزقه يبعد.
محدش بيحب وهو ناقص، وهو دبلان ، وهو حاسس بخنقة،
حتوصله انه حيكره نفسه ومع الوقت مش حيبقي فيه مكان في قلبه يحبك انت او غيرك.