[Rena Jesus]

- بنت ناس بتحكي : كنت متجوزه مبعرفش أطبخ ،،
وفي يوم جوزي معجبوش الأكل ف اتخانق معايا ف نص الليل واتنرفز عليَّا ونزل ساب البيت بعد ما زعق فيَّا ومشي. فقعدت اعيط لوحدي ف الشقة.
- بتقول : فجاة حماتي كانت بتتصل بالصدفه ولما سمعتني بعيط سألتني حصل ايه ؟! ف حكيت لها اللي حصل ،،
بعد ما نهينا المكالمة بشوية لقيتها جتلي وجايبه معاها تصنيفة اكل ،،
وبدال ما تعنفني او تتريق كل اللي قالتهولي :
متزعليش ياحبيبتي وانا ليا صرفه مع الواد ده اما يجي عشان يزعل القمر ده ،،،
- حماتي بعدين قالتلي تلفت انتباهي لحاجة :
بصي يا حببتي كل راجل بيبقي متعود ف بيته ع حاجه وفاكر انها احسن حاجه وده مش معناه ان اكلك وحش بس هو متعود ع اكل معين ،،
وأسمحيلي بقي اعلمك هو بيحب ايه.
- تخيلوا بقى الضحكه الي بقت ع وش مرات ابنها ودلوقتي بقت ما شاء الله طباخه شاطره جداا ،،
وعايشة فاكره الموقف ده لحماتها وبتعاملها احسن معاملة.

- في موقف تاني واحده كانت مش موافقه ع عريس نهائيًا و ف القعده حماها قالها كلمه
"احنا نتشرف ي بنتي لو قبلتي تبقي عضوه ف اسرتنا الصغيرة".
البنت وافقت بس عشان حماها البرنس ❤ ️ورغم انها عندها احفاد دلوقتي الا انها فاكره الكلمه ..

- الخُلاصة :
الدُنيا دي كلها ماشيه جبر خواطر وأثر الكلمه الطيبه ف النفس مش بتمحيه السنين ومش معني انك كبير سنا ان نفسك تتكبر عن جبر خاطر الاصغر منك