[Rena Jesus]

لا_تقعوا_فى_فخ_المثالية !!!

الجملة دى عدت عليا وانا بقرأ بوست من شوية وخليتنى أفكر و اسرح فى ناس كتير حواليا
وقعوا فعلا فى الفخ دة اللى انا اصلا مكنتش اعرف انه فخ غير لما قعدت افكر
هى يعنى اية مثالية ؟؟

* لقيتها بصراحة كدة ملهاش تعريف ،،، زى اللازم و المفروض ..زي اللى يصح واللى ميصحش !!

* لقيتها شىء نسبى جدا بيفرق من إنسان لإنسان .

* لقيتها حرب نفسية على الفاضى للوصول لحاجة احنا اصلا مش عارفينها .

* لقيتها لو انت شايف نفسك مثالى عشان حاسبها بالمللى فاللي حواليك بنسبة كبيرة شايفينك خنيق ومثير للقلق والتوتر عشان عايز كل حاجة صح فى كل حاجة ..
وده صعب اووى!!

* لقيتها مصدر ضغط كبير اووى انك لازم تعمل اللى عليك اوووووى زيادة عن اللزوم حتى لو مش قادر ..

* لقيت اللى اتعامل بالمثالية الطاغية دى ..جاله وقت ومش عارف ليه الناس بعدت عنه ؟ مع انه معملهومش حاجة .

* لقيت ان اللى المثالية كانت هدفه ،،فاته حاجات كتيرة فى الدنيا مستمتعش بيها .. وأولها انه يغلط و يصلح غلطته .

* لقيت اللى رافع راية المثالية اللى وصلت لاكله وشربه و لبسه وعلاقته الانسانية كلها ..مقدرش يمنع أى شىء قدرى فى الدنيا !!

* لقيت الانسان اللى بيسعى للمثالية .. اكتر حاجة فارقة معاه نظرة الناس لى و رأيهم وشهادتهم فى أدائه ،، يعنى قوته وثقته فى نفسه بياخدها من شوية كلام لو ماتقالوش بيدخل فى اكتئاب !!

حلو انك تكون ناجح و مرتب و نضيف ومؤدب ..
بس الاحلى انك تكون على طبيعتك وفطرتك اللى تشتغل عليها وتطورها عشان النجاح يبقى له طعم
ملكش دعوة الناس شايفاك ازاى محدش فى الدنيا الناس كلها مجتمعة عليه !!!
متجريش وتضيع عمرك ورا سراب اسمه المثالية والصح والمفروض واللازم ..
الدنيا ابسط من كدة بكتير !!!

اوعى_تقع_فى_الفخ