[walaa farouk]

حاسه انك منسيه ومرميه وانك كم مهمل بقالك كتير
حاسه ان اللى ليكى نسيوكى وان اللى اختارتيهم كمان مشيوا وباعوكى
حاسا ان الدنيا كبرت وفضيت وبقيتى لوحدك وان عدى كتير من عمرك ع الفاضى
حاسه ان كل حاجه بتحلمى بيها وتخططلها عشان عجبتك ونفسك فيها اتبخرت من بين ايدك وبقيت سراب
حاسه انك منحوسه وغير الكل وكل صلاتك وطلباتك مرفوضه
حاسه ان جواكى مش بس ادغدغ دا كمان بقى فتافيت ومش بيجرح جواكى لكن بيشرحك ونزيفك عمال يزيد
حاسه ان عقلك وقلبك اتهدوا من الفكر والوجع ونفسك بقى يحتضر وروحك جواكى بتخلص
الغريبه انك حاسه كل دا ومش عارفه تحسى قلب موجوع عليكى ومفتور من القهره انك مش عاوزه تحسيه ولا حاسه دموعه اللى حزينه على حالك وبعدك عنه كل دا حصل فيكى بس هو لسه باقى ليكى اللى منك نسيكى واللى اختارتيه سابك والكل وجع فيك ودغدغك لكن هو لسه امين لسه واقف كتفه فى كتفك وحضنه فى ضهرك عشان يحتويكى ويقولك انا لسه هنا يمكن بجهل سبتيه وبعند قسيتى عليه لكن هو لسه موجود عاشق كل تفصيله فيكى فرحك حزنك وجعك المك فتافيتك كرمشه غضبك ودموعك اللى دبلت عنيكى هو لسه هنا لانه هو لسه بابا حتى لو لقيتى له بديل عمر البديل دا ماهيعرف يكون نقطه فى بحره الوقت اللى توصلى فيه انك مهمله ومرميه ومنسيه وملكيش حد قريب او بعيد اعرفى ان فى حضن مفتوح مستنيكى تدخلى تندفنى فيه وتصرخى جواه براحتك وتعيطى زى مانتى عاوزه وتاخدى حنان ودلع واحتواء والاهم شفاء
حضن بابا غير اى حضن وانتى مش اى حد ومش بتاخدى زى غيرك طلباتك عشان تستاهلى الاحسن واللى بيتجهزلك انتى بيتعملك مخصوص خلى عندك ثقه فيه