منتدى الفرح المسيحى - عرض مشاركة واحدة - صانع القلب وخالقه يقف خارجه يستأذننى فى الدخول

walaa farouk · رقم المشاركة : ( 1 ) 30 - 09 - 2017, 08:14 AM

+ صانع القلب وخالقه يقف خارجه يستأذننى فى الدخول يالا حماقتى امامك يا الله

- لما ببص للصوره دى بقول لنفسى اد ايه انت رقيق يارب اد ايه انت مش متطفل بالرغم من انك خالقنى وخالق قلبى يعنى فى الاصل هما ملكك لكنك بستأذنى فى الدخول وانا من اجل شقائى اتركك تقرع ولا ابالى صانع القلب وخالقه يقف خارجه يستأذننى فى الدخول

- طب ماتزوق وتدخل اقتحم وحاصرنى صحيح بقول دا مش طبعك لكن لما بفكر بعمق بالقيك بتعمل كدا صانع القلب وخالقه يقف خارجه يستأذننى فى الدخول

ايو انت ساعات بتعمل معايا كده صانع القلب وخالقه يقف خارجه يستأذننى فى الدخول

بتحاصرنى بالمشاكل والضيقات بتحاصرنى بناس تتعبنى بتحاصرنى بمواقف بقف قدامها عاجز ومش فاهم حكمتك صانع القلب وخالقه يقف خارجه يستأذننى فى الدخول

بس برضه من اجل شقائى بعاند فيك ولسه واقف بعيد صانع القلب وخالقه يقف خارجه يستأذننى فى الدخول

- بص بقى يارب عن نفسى مش عايزك تقف كده الوقفه دى المفروض دى واقفتى انا مش انت انا عاوزك تزوق تدفع الباب وتدخل مش تستنانى انا لما افتحلك اه اقتحم وحاصر وفتح عيونى ليك اه تعالا واملك قلبى وسود انا عارفه انك رقيق وحنين بس انا اصلى صنف نمرود اتعامل معايا زى مانت عاوز بس بلاش تنسانى في الرحمه صانع القلب وخالقه يقف خارجه يستأذننى فى الدخول

تعالا يارب انا مستنيك تدخل وتعين ضعف ايمانى اللى مكسلنى وربطنى مكانى <3