[Rena Jesus]

ليه فى بنت بترفض الجواز لحد سن الـ 30 سنة من عمرها ..؟

أولًا ..
حاجة لازم تفهمها هيّ إن البنت دي مِش مُعقدة ،
جزء منها خايف ، وجزء تاني مطفي إتجاة الرجال ، وجزء تالت منها الشغف فيه قل إتجاه فكرة الجواز نفسه
والسبب ف ده كله حاجات كتير جدًا حطيتها ف الدايرة دي ..

ثانيًا ..
شخصية البنت إللي رافضه الجواز بصفه مستمره بتكون شخصيته جميلة جدًا ،
جذابه ف أي مكان بتتواجد فيه بتلفت الأنظار ليها ،
ناجحه ف حياتها ظاهريًا وده إللي باين للناس من أستايلها ف اللبس وخروجاتها وإنها شغاله ومعتمدة ع نفسها ومهتمه بنفسها ومظهرها ،
بتعرف تضحك ولو إكتئبت فا بتكتئب من حكاوي صحباتها عن أزواجهم أو إللي مخطوبين ليهم وعلاقتهم العاطفيه والمشاكل إللي بتسمعها منهم بترجع عليها بأثر نفسي كبير ،
شخصيه طموحه مُنطلقه خيالها واسع بتفكر بطريقة مُبهرة ، حلمها إنها تسافر وتبني كيانها الخاص بيها ،
يكون عندها بيت ملكها وسيارة وشغل بتحبه ووصلت فيه لمستوي يليق بيها ،
وغالبًا هي بتسعي لده كل يوم ووصلت فيه لمكان معين وفخورة بده ..

ثالثًا ..
أيه إللي بيوصلها لكده وده الدافع الأعمق بالنسبالها وإللي خلاها من البنات إللي بيُطلق عليهم " بنت بـ 100 راجل " .. ممكن يكون .....
1 _ فقدنها لحنان أبوها من صغرها وده خلاها تشوف الدنيا بنظرة أكبر من سنها.
2 _ التفتت الاسري وده راجل للبيت إللي المفروض يوفر ليها كل وسائل الحب والامان ودفا العيلة وعمل عكس كل ده.
3 _ سلسلة مواقف ورا بعض من أصحابها وصدمات عمرها ما كانت تتوقعها منهم واختفائهم من حياتها بدون سبب.
4 _ إرتباطها العاطفي وده كان أكبر صدمة ليها وده بردوا إللي أفقدها الشغف إتجاه أغلب الرجال ، وطفي منها أهم حاجة فيها وهو شعورها بالحبّ وحوّل كل طاقتها المُبهجه لسلبيه مُفرطه.
5 _ وهنا كانت الخيبات والخذلان والتفكير السلبي والضغوطات النفسيه والكتمان والمشاكل المحاوطة من كل مكان أدت إلي تراكمات داخليه وإنهارت فجأة وجعلت منها شخص تاني متغير 180 درجة للشخصيه إللي هي عليها حاليًا.

رابعًا ..
دلوقتي بقت الشخص إللي ليه كيان داخلي هي لوحدها جواه ،
صحابها يتعدوا وبتعرف تنقيهم صح ،
ف شغل لايق عليها وهي بتطمح للأعلي ،
هى مش كئيبه ولا مكتئبه ، ولا معقدة ولا عندها الشخص إللي بيبكيها ولا مشاعرها متبلدة ،
هي مش طموحها شخص يخبط ع الباب ويخدها م شقه لشقه من سجن لسجن بأسم الجواز ،
ولا طموحها ف شخص عايز يستقر ويجيبها يحطها ف البيت زي الأنتيكا ،
ورغم كل الأحداث دي هي عارف دينها وعقلها وحريتها وقلبها وبتعرف تفرق بين الأربعه جدًا ..

خامسًا ..
معندهاش أي مشكلة ف إنها تقعد لسن ال 30 من غير جواز عشان هي عارفه كويس إن ده بأيد ربنا وهو عارف الخير فين ومحضرلها هدية ف شكل الشخص المناسب هي مسألة وقت مش أكتر ،
وف نفس الوقت ملقتش الشخص إللي يلفت نظرها من وسط كل الرجال إللي حولها ..