[Rena Jesus]

اولادي بيحبوا الورك بتاع الفرخه
النهارده نسيت وسيبتلهم الجزء اللي فوق
رفضوا ياكلوا وبدات المحايله والطبطه وهاحط كاتشب طب اعمله شاورما طب اخر مره
وكل مااتحايل يزيد الدلع والرخامه
اخر مازهقت قولتلهم هتاكلوا ؟
ردوا لا مش بنحب دي
لفيت اكلهم كله وواخدتهم ونزلت الشارع مشينا لحد مالقيت عامل نضافه
قولت له اتفضل الف هنا وشفا ورجعت

عدت ساعه اتنين تلاته اربع ساعات
بدات عصافير بطنهم تزن شويه والعصافير بقت بتصرخ
ماما عايزين نتغدا
كان علي عيني يا لمبي الغدا خلص
طب اعملينا اي حاجه
علي عيني يا لمبي انا مش فاتحه مطعم
في طبق فول من فطار الصبح اسخنه
شويه والولد الصغير هيقول مش بنحبه
اخته ساكته وقالته ماتقولش كده ماما هتنزله لعمو تحت وهنموت م الجوع

سخنت القول وعن منظرهم وهم بياكلوا من غير محايله ولا طبطبه كانها هابي ميل من ماك
صحيح لازم ع قد ما نقدر مانحرمش ولادنا
بس في شعره بين ان نخلي عنيهم مليانه ونخليهم مدلعين ويتبطروا ع نعمة ربنا
لازم نخلي بالنا واحنا بنجري ونجاهد ف الدنيا عشان مانحرمهمش من اي حاجه ونحقق كل طلبتهم
اننا نهتم نخليهم حاسين بقيمة النعمه وعمرهم مايتبطروا عليها
ويحمدوا ربنا ع الكتير او القليل

لازم لما يطلبوا حاجه واحنا لسه ماقبضناش نعرفهم ونفهمهم
حتي لو معانا لازم يعرفوا مش كل طلب هيجاب
ودي دايما النصيحه اللي ولدي كان بيرددها
اخشوشنوا فأن النعمه لاتدوم