[walaa farouk]

إرادة وعزيمه طفل رضيع ازاي يعني.....
ايه إرادة طفل...
ازاي تعالوا اقولكم ازاي.....
شوفتوا تطور نمو طفل قبل كده؟
اه.... لا
طيب تعالوا نشوفها

الطفل الرضيع من بعد ولادته ب3 شهور تقريبا، بيتدي الاهل ينيموه علي بطنه علشان يقوي عضلات الذراعين وبيبتدي يرفع راسه، الطفل بيبتدي ب5 دقايق وتزيد كل يوم
عمليه صعبه علي الطفل وبيبكي بشده منها لحد ما يتعود ولكنه مش بيوقف عن المحاوله.

بعدها تيجي محاولاته في انه يقعد ويقع علي جنبه ويحاول لحد ما يقدر يقعد
المرحله اللي بعدها، يحاول يحبي علي ركبه وايديه، يقع ويحاول لحد ما ينجح في انه يحبي

والمرحله الكبيره عنده المشي
بيقع ويحبي حبه ويمسك في حاجه ويحاول يقوم يقف، بيحاول يمشي ماسك في اي حاجه حواليه ويقع ويقوم ويقع ويقوم
المحاولات دي ممكن تاخد كام يوم وممكن تأخذ اسبوع او إكثر او أقل.
بتختلف من طفل للثاني ولكن مفيش طفل بيقعد مكانه ويعيط ويرفض انه يقوم يمشي
العمليه دي محتاجه طاقه كبيره ومجهود كبير من الطفل تناسبا مع جسمه الصغير وبدايه استعماله لعضلاته

عايز تعرف صعوبتها بص علي شخص أصيب في حادث وبيحاول يتعلم المشي ثاني.......

الطفل مولود بالاراده والعزيمه وهما جزء منه.

العزيمه والاراده انه مايستسلمش ، ولا في تقويه عضلاته ولا في تدريب التوافق العضلي العصبي عنده وثقل المهاره دي اللي هتكون زي التنفس باقي حياته في سهولتها وحدوثها بلا اي مجهود منه.

فخليك بعزيمه واراده طفل رضيع...... اقع وقوم... واقع ثاني وقوم اقف
بلاش استسلام، قوم كل متقع كمل طريقك

الدنيا مليانه عقبات بس الانسان القوي الناجح هو اللي.... .
لو فيه ميه قدامه بيعديها،
لو في جبل بيتسلقه
ل و قدامه عائق بيحركه،
وبيقع في كل مره بس بيقوم ثاني ويحاول ، ده مش فشل.

#الفشل الحقيقي أنك تقع وتفضل قاعد في القاع متقومش
#الفشل الحقيقي أنك تتخلي عن إرادتك وعزيمتك
#الفشل الحقيقي أنك تسلم مستقبلك وحلمك لغيرك
#الفشل الحقيقي أنك تكون إنسان وصلت لسن المسئوليه ولكنك مسحوب في حياتك بحبل من كل اللي حواليك

فاياريت تكون بإرادة وعزيمه طفل رضيع وقوم من القاع وماتتوقفش عن المحاوله ابدا.