[souad jaalouk]

زوادة اليوم: طلب الرحمة
بتقول الخبريّه إنّو من بعد ما ماتو بحرب الإقطاعيي والفلّاحين، بيلتقي بالسما خيّال تابع للملك وفلّاح متفاجىء من وجود عدوّه بالسما، وبيسألو: «كيف وصلت لهون؟». جاوب الخيّال: «ما بتصدّق إذا خبّرتك أنا وعم بوقع عن سرج الحصان وقبل ما أوصل ع الأرض طلبت الرحمه والمساعده من الرب وليك وين صرت».
الزوّاده بتذكّرنا بالمتل الصيني يللي بيقول: الرحمه الإلهيه عندها ألف إيد، ونحن بحاجه إلن كلّن... يا إنسان ارحم إخوتك البشر لأنّك دايمًا بحاجه لرحمة الرب، وتذكّر إلهنا علّمنا أجمل أمثوله بالرّحمه عن صليبو لمّا قال: «إغفر لهم يا ابتاه...»