[walaa farouk]

_ ما بتعرفش تكسبهم دايماً لأنهم شاطرين و مُبهرين جداً في خسارتك ..
- ولأنك ما بتعرفش تنافق ، و لأنك واضح مع نفسك ومعاهم عشان كده بتلاقي البِـيعة خسرانة من البداية ، وانت اللى عامل نفسك واثق من مكانتك عندهم ...وانت مالكش جُحر نملة في قلوبهم أساساً ...
_ ما بتلاقيش نفس توقّعاتك الطيّبة ،عشان مش عارف تتغيّر للأسوأ مهما عملت ..ولا عارف تغيّر جذورك الطيّبة ..
_ و فـ الآخر شجرة صبرك و عشمك بتطرح خيبة ورا خيبة ورا خذلان ورا صفعة .. تكتشف إن كل طوبة بنتها بإيدك في العلاقة ...اتهدت فوق دماغك انت.. لأن الأساس كان مخوّخ من غير أعمدة ولا أساس سليم ....
طيب ايه !! نيأس يعني ؟
لاء ...بس بطّل تتعشّم وتبني قصور ع الرمال ...
بطّل تحلم بالعالم المِثالي ...لأن انت ذات نفسك مش مثالي ...
قللّ كم التعمُّق والتعلُّق باللى ما يستاهلوش ده ...
اتعلّق بس باللى ما يعرفش يستغني عنّك مهما وقفت الدنيا كلها ضدّه ..
مش اللّي الظروف ساعدته فـي إنه يتخلّى بسهولة ...وهو ما صدق ده يحصل ....
اشتري اللى يشتريك ...بيع اللى يبيعك ...
ده عشان صحتك النفسية والذهنية مش عشان ده المفروض يتم ..
كفاياك بهدلة و ظُلم لِـ نفسـك ...لنفسك عليك حق ..