[walaa farouk]

أسوأ 10 حاجات عند الحد اللى بيسامح و بيفوّت كتير ..
1_ إنه بيجي على نفسه بشكل مرضي و عدواني لنفسه ... "
قساوة ع النفس" ..
2_أحياناً بيتغاضى عن كوارث كان من المستحيل يعدّيها ...بس فوّتها عشان طِيبة قلبه منعته إنه ياخد موقف ...
3- محدش بيشوفه " مثالي " للأسف ...تسامحه الكتير بيتشاف " سَذاجة " و سطحية و ضعف ..
4_ الشخص ده أكتر حد مُعرَّض للجلطات الدموية والدماغية .. لأنه بيكتم العتاب و اللوم و الزعل جوّاه عشان لو نطق حرف واحد ممكن يخسر اللى قدّامه ..فبيسكت عشان الدنيا تهدا و هي مولعة جوّاه من الأساس ...و ده بيأثر على صحته لا إرادياً ...
5_ ما بيعرفش يقسى على حد ..أكتر حد بيقسى على نفسه ....لا بيعرف ياخد موقف ولا بيشيل ...بيكتم الصفعة كويس جداً ...لكن لو ردَّها لك ...بيكون في " البُعد " بلا نهاية ...هيفارقك و يمشي و الرجوع عنده هيكون من المستحيلات وقتها .ّ.
6_ راقي جداً في ردّ الألم ألمين ... لأنه في الأصل كان راقي جداً معاك في تكبير دماغه عن التصرفات الصغيرة التافهة بالنسبة لك ...و بالنسبة له هو كوارث ضخمة...
7_أسوأ صفة في الحد اللي بيسامحك بإستمرار إنه هيجبرك تندم على خسارته بشكل يوجعك لما تعجز إنّك تعرف تعوّضه ...
8_ لما بيخلص مخزون الصبر عنده بيبقى إنسان تانى خالص تحس ماقابلتهوش قبل كده ...ده انت جايز تندم إنك قابلته من كتر ما انت حوّلته وغيّرته على إيدك من حد متسامح لشخص إنتقامي ....
9_هَـ يرجّعك " حد غريب " ...هيعرف يخليك تلّف حوالين نفسك لما تجرّب التعامل مع غيره و تكتشف إنّك ضيّعت " كِنز " بمعنى الكلمة ...
10_ الحد اللى بيسامح بإستمرار ...بيجي عليه وقت و يكره نفسه ...لكن عُمره ما هَيخسر نفسه ...لأنه عارف قيمة نفسهُ كويس جداً ....
المُتسامح مش حد ساذج و لا ضعيف ...المُتسامح حد عنده قُدرة مش عندك ...
كمان عارف يعفو امتى " العفو عند المقدرة " ويسكت امتى وينفجر امتى ......
كمان عنده القُدرة اللي تخليك تخنق نفسك بنفسك ..
خاف من اللى بيسامح جدا ... لأن خسارته بتوجع جدا جدا ...
بلاش تستهون بغفرانه الكتير ...لأن اللي هيندم في الآخر انت مش هو