[Rena Jesus]

الزوجات تشكو من قلة التقدير
و على فكرة كلنا كدة

يعنى فيه رجالة بتضحى مثلا بفرص للسفر علشان خاطر اسرته و الست بتحس ان دا واجب عليه
فيه رجالة بتضحى بانه يشترى حاجة لنفسه بس علشان المصروف مش بيقضى
و احنا كزوجات بنحس ان دا واجب عليه
ممكن يضحى بحب جديد فى حياته و يكمل فى اسرته علشان يحافظ على البيت
و الزوجة تحس ان دا واجب عليه
ممكن يضحى بشغلانة مريحة و يشتغل شغل متعب طالما دخله اكتر علشان خاطر اسرته

للاسف احنا كلنا أزواج و زوجات مش بنحس بتضحيات الاخرين و دايما حاسين ان التضحية واجب عليهم
طول ما انت حاسس ان كل مايفعله زوجك واجب عليه
عمرك ما هتقدريه
لانه برده شايف ان الى انتى بتعمليه واجب عليكى زيه بالظبط

و طول ما انت مش شايف و لا حاسس بما تفعله شريكة حياتك عمرك ما هتقدرها
و على فكرة الناس الى كدة برده مابيعرفوش يشكروا ربنا لانهم برده مش حاسين بنعمته عليهم
فمن لا يشكر الناس لا يشكر الله

الزوجة مثلا تقولى : عمره ماشكرنى على شغل البيت و تعبى مع الاولاد و لا بيقدر
طيب هو انتى عمرك شكرتيه على تعبه اليومى فى الذهاب لعمله ؟؟؟
عمرك شكرتيه على انه راح السوق و جابلك طلبات البيت ؟
عمرك شكرتيه على انه اعتذر لاصحابه علشان يعد مع اولاده ؟
طول ما احنا مركزين على القصور و الضعف و النقص و الى مش موجود
عمرنا ماهنحس بالسعادة بالموجود أبدا