ليه يا حبيبتي ما بيننا دايما سفرِِ
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
نوح راح لحاله والطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان والدنيا غرقانه شر
عجبي !!
وقفت بين شطين علي قنطــرة
الكدب فين والصدق فيـن ياتري
محتار حاموت الحوت خرج لي وقالي
هو الكلام يتقــاس بالمســـــــــــطرة
عجبي !!!