[daughter of king]

قاعده مخنوقه اوى
فى حاجات كتير اوى اتمنتها بس متحققتش
قاعده لوحدى
ومش لاقيه حد افضفض معاه

مين بس اللى هيفهمنى
مين هيرد على اجابه سؤلاتى

بصراحه بقى
بدئت اعاتبه
ودخلت معاه فى حــــــــوار
بين ابن قاسى واب حنين اوى

قولتله
هو انا ليه كل ما اتمناه حاجه اوى مبتتحققش
مهما عملت مبتتحققش
مهما صليت وندرت وصومت مبتتحققش

ليه كل حاجه بحبهااااااا اوى ببقى متوقع انها هتضيع منى
ليه لما بلاقى حاجه تفرحنى بمسك فيها بأيديا وسنانى
ليه بتبقى لحظات الفرح قليله مع انى ابنك يعنى المفروض تفرحنى ع طول

ليه اول ما بلاقى نفسى هتعلق بحاجه بحبها
اقول ابعد احسن
اصلها كده كده ضايعه

وهنا وقفنى فى كلامى ورد عليا ؟!!!!

قالى
كده كده ضايعه
وهى ديه مشكلتك
مشكلتك مش معايا انا
مشكلتك يا حبيبى مع نفسك

انت فاقد ثقتك فيا
ازاى تقول انا هصلى وهصوم ومش هعمل حاجه غلط
بس بعد ده كله انا متأكد ان ربنا برضوا مش هيدينى اللى انا عايزة
ماهو يا اما بتجربنى يا اما مش واثق فيا

انت مش واثق فيا
ولا انت واثق ان الحاجه اللى عاوزها ديه هضرك

انت ابنى وحبيبى وكل حاجه
بس انا قولت لو عندكم ايمان مثل حبه الخردل

انت بس ثق فيا وارمى حمولك من قلبك عليا
تعالى فى حضنى يا ابنى
واوعى تقولى انى مش بحبك
ثق فيا بعدين عاتبنى
ثق فيا وكل حاجه هتتدبر
ثق فيا بجد من قلبك

صدقونى رد عليا
وقالى كده
مبقتش عارفه
اعيط على نفسى
ولا افرح انه كلمنى وفهمنى

بس بجد يارب انا واثق فيك من اللحظه دى
رامى تكالى عليك
انت عونى انت قوتى
يارب فلا تخذلنى
دبر ليا امرى

انت قولت ( المتوكلون على الرب مثل جبل صهيون لا يتزعزع ابدا )
ومن دلوقتى متكل عليك فلا تخذلنى


يارب اعطى كل اولادك انهم يرضوك ويثقوا فيك بمعنى الكلمه
زود ايمانا يارب وقويه وثبته