[daughter of king]

متسألش عشان انا مش هجاوب


قاعده مخنوقه ومكتئبه
حقيقى ياربى محتاجلنا قاعده

مش طايقه نفسى
عاوزة اعد لوحدى
عاوزة اصرخ عاوزة ابكى
بس مش عارفه

اصل دموعى بتتكثف تنزل قدام حد
وانا مبرتحش غير لما اعيط بجد

قاعده فى الاوضه هطأ
والدموع من عينى هتفط

كل اللى يدخل يقولى مالك
فيكى ايه ؟ ايه اللى جرالك

يا جماعه مفيش حاجه
محتاجه اعد مع نفسى
سبونى شويه لوحدى

لكن بقول لمين

ده يطلع ديه تخش
ياريتهم زعلانين عليا
ده منهم اللى عاوز يشمت فيا
ومنهم اللى عاوز يشوف دموع عنيا
منهم اللى بصعب عليه
ومنهم المتطفله اللى عاوزة تعرف فى ايه ؟

وانا بقى مبردش على حد
ده داخل وديه طالعه
قولت مش هتكلم مع حد
ولا هبين لحد ان اللى جوايا بيتهد

متسألوش انا فيا ايه
لانى مش هجاوب على حد

مهما عملت ومهما وصفت
مش هتحسوا بياللى فيا
وانا لو حكيت هكون عيطت
وانا مش عاوزة ابان قدام حد انى انهزمت

زعقت فيهم كلهم
وكان نفسى اقول لكل واحد غرضه ايه من سؤاله
لكنى طردتهم قولت عاوزة اعد لوحدى
سبونى بقى

قعدت فعلا لوحدى
ولقيت صورة جميله لاحن صديق عندى
قولتله عجبك اللى بيحصل كده
كده سايبهم يشمتوا فيا
انا مليش غيرك
اوعى تسبنى
نزلت دموعى غصب عنى لكن مزعلتش !!

قولت مش مشكله تنزل قدامك
كنت هزعل لو نزلت قدام حد غيرك

عيطت كتير وانا بحكيله على اللى جرالى

ومن حلاوة الصورة
حسيته كأنه بيكلمنى
بنظراته الحلوة بيهدينى
سمعته بقلبى بيقولى :
يا بنتى انا هرضيكى
هفرحك بس متستعجليش

وسااعتها الاكتئاب اتحول لفرح وسعاده

اشكرك يارب