[walaa farouk]

لما بتفكر انك تسلق بيض فى المية السخنة.. اوقات بتلاقى بيضة منهم اتكسرت و طلعت البياض و الصفار بتاعها فى مية السلق و باظت خلاص... في حين ان باقى البيض الى جمبها كويس جدااا و محصلهوش حاجة
ازاى كده!!!!
تعالو نشوف
كل البيض محطوط فى نفس الظروف( قصدى الحلة)
كل البيض جاى من نفس الفرخة( كلنا بنى ادمين)
كل البيض محاط بالمية السخنة ( نفس المشاكل و الحياة)
فيه بيض متكسرش وباظ
وفيه بيض اتكسر وباظ
المشكلة هنا مش فى المية السخنة ولا الحلة ولا نوع البيضة
لا خالص المشكلة مش فى كل دول
المشكلة هنا فى ان البيضة الى كانت على النار اصلا مشروخة فا متحملتش المية السخنة فا انفجرت و باظت
انما البيض السليم الى ماسك نفسة لما اتعرض لنفس الظروف و الحرارة فضل سليم زى ما هو
دى حياتنا بالظبط
لو من جواك سليم و كويس و اتحطيت فى الظروف الصعبة هتقدر تقاوم بل بالعكس.. الظروف دى هتحولك من بيضة نية ( انسان ني و ضعيف ) الى بيضة مسلوقة( جمدت وبقت قوية من جوة)
انما لو من جواك مشرخ و تعبان و نفسيتك ضعيفة.. مع اى شوية ظروف صعبة هتتكسر و هتتشرخ و هيكون السبب مش الظروف لكن هيكون السبب من جواك انت
( نفسك ايضا ناجحة) يعنى مش مشرخة ولا متبهدلة ولا مهترئة ولا مبعزقة ولا متجرحة..
محتاجين نجمد شوية قبل ما نلوم الظروف انها بتلطش فينا
ما هى بتطلش فى الناس كلها..لكن مش كلهم بيتكسروا
نقطة و من اول السطر
قوينا بقوتك... اسندنا برحمتك.. اعن ضعفاتنا و اصنعنا اناء صالحا كما يحسن فى عينيك....امين