[walaa farouk]

عارفة لما اوقات تتلككي علشان ترفضي علاقتك الجسدية مع جوزك او يكون تعاملك معاه ببرود... طيب عارفة لما بتردي عليه ردود بايخة و هو بيسألك عن الأكل مثلاً، او تلاقيك بتتلكك ليها علي لبس هي نزلت بيه معاك مليون مرة قبل كده !!

دي حاجة في علم النفس اسمها Passive aggression اللي هي رد فعل سلبي مضاد و دي بتطلع لما بيكون جوانا اانفعالات شديدة علي حاجات تاني مش عارفين نطلعها زي مثلا انتي مش عاجبك تصرفات جوزك، او ان انت مش راضي عن علاقتك الجنسية بيها او مثلاً مش راضي عن ردود افعالها في موقف ما و مش قادر تتكلم!!

خطورة الـ Passive aggression انه ممكن يهدم اي علاقة، لان كتر التراكمات دي جوانا بتخلي انفعالاتنا مع الوقت أكثر حدة و خطورة!
طيب و ايه العمل، نبلع التصرفات دي و نسكت ولا نسيب العلاقة دي؟
لا ... لكن لما نلاقي نفسنا بنتصرف بعنف و حدة قصاد مواقف عادية، او بنتعامل ببرود شديد مبالغ فيه، يبقي نراجع نفسنا و #نعلن عن المشكلة جوانا و نتكلم فيها مع الطرف التاني علشان نحلها و ترجع العلاقة تبقي حقيقية تاني بدون اي مؤثرات ممكن تهدمها

إعلانك هو خطوات الوصول للحقيقة