شهر7
قاعد سهران اليل بطوله بطوله بتذاكر بتحاول تفهم حاجة بس فشلت
قاعد سهران الليل بطوله بتفكر فى شغل وبتفكر هتعمل ايه بس محاولاتك فشلت
قاعد سهران الليل بطوله بتعيط لربنا وتقوله انه يخرجك من ضيقتك وحاسس انه ربنا مبيردش عليك
قاعد سهران الليل بطوله بتحاول انك تحقق حلمك حتى لو ربعه وتفكر وتعيش الحلم بس حتى فى دى فشلت
قاعد سهران الليل بطوله بتحاول وتعافر فى حاجة كان نفسك فيها اى ان كان شغل ....مصدر رزق.... مذاكرة او غيره
افتكر ان بطرس كان سهران الليل بطوله زيك يحاول ويعافر يصطاد سمكة وباءت كل الطرق بالفشل لحد من الفجر شقشق والنهار طلع وكانت النتيجة ايه ياس خلاص هيعمل ايه لقى ربنا فى وشه وقوله القى الشبكة فالقاها وامتلات سمك فى عز خنقتك هايطلعلك يسوع فى عز النهار يقول على كلمتى القى الشبكة انا عايزك وانت ضعيف وجايب اخرك
عشان اعرف اشتغل عليك وبيك واحققلك اكتر مما كنت تحلم بيه واعمل لك معجزة كبيرة فى حياتك