عيد ميلادك عيد سعيد
النهارده يا حبيبتي يوم ميلادك
يوم ما حبك جه وربع في فؤادي
يومها انتي اخدتي قلبي وسبتهولك
كل يوم عدي عليه عايش بنورك
عيد ميلادك عيد سعيد
وانتي نبضي والوريد
عيد ميلادك شوق وفرح
ننسى فيهم اي جرح
من قريب أو من بعيد
عيد ميلادك عيد سعيد
في عيد ميلادك يا ملاكي
قلبي طير عشه في سماكي
كل همه يكون معاكي
يحضن الأيام بفرح
عيد ميلادك عيد سعيد
عيد ميلادي الليله ديه
يوم ما قلبك جه في ايديا
لو سنين عدت عليه
انتي قلبك ده في عينيه
يا آمالي واللي ليه
يا حياتي وأحلى عيد
عيد ميلادك عيد سعيد