-ساعات بحس إن ربنا سامعنى وبيفرحنى يعنى ممكن أطلب حاجه ويعدى عليها وقت طويل لغاية ما انساها وفجأه ألاقيها أتحققت وكأنه بيقولى لو انت نسيت انا ماقدرش أنساك بس كنت مستنى الوقت المناسب ليك ...
- لما أقول يارب وسط الضيقه والوحده وحروب الحياه ضدى ، أحس ساعتها بأمان كبير خصوصاً لما كل الأبواب تتسد قدامى وأفقد النجاه من أيادى البشر ومافيش غير باب السما هو الوحيد المفتوح قدامى ، ساعتها كلمة يارب بتطلع من قلبى ووجدانى ، بحسها بتشق ضلوعى عشان توصل السما وتوصل إستغاثتى لربنا ...