عند البحر ،من بداية اليوم بأبني "قَصر" علي الرمل،
حلمت جواه بحياتي ومستقبلي؛ رسمت تفاصيله وأشخاصه وحبيت أعيش فيه.
فجأه ... جيه الموج وهَدُه
ازاي يارب سمحت إن "قَصري" يتهد؟، ليه خليتني اتعب م الصبح وابنيه واتعَلَق بيه واتفنن في عَمَلُه؟!
إختفي "القَصر" بناسه وإختفت معاه احلامي، وفضِلت تايه مش فاهم قصدك، خايف ابنيه من جديد يتهد وتروح منه الحياة!!
قرب راجل عجوز وقالي:
(لو ماكنش اتهد، كنت بردوا هتمشي وتسيبه لما الشمس تُغرُب، بلاش الوقت يسرقك وتعيش تبني "قَصرَك" علي الرمل لحد ما الأيام تجري وتعجز وبردوا مصيرها موج البحر او انك تسيبها في نهاية اليوم، روح إبني"قَصرَك" في السما.)