ارفع. ربي. قلبي. اليك
تعالي حارب عني عماليق
ترفع ايدي تمد ايديك
واشعر معاك بسلام عميق
وقت ما عيني شايفة عنيك
تتهد جبال امام زربابل
وانسي معاك كل مشاكل
بجري عليك بإحتياج عاجل
عارف انك اله عادل
صالح في كل صعاب بلاقيك
تبطل مشورات هامان
بنادي عليك بضعف انسان
بصرخ ليك بصمت لسان
لكن قلب برجاء مليان
انك تنقذني تمد ايديك
تشجع ايليا تحت الرتمة
وتمحي عن عيني العتمة
اتنفس حتي جوة الكتمة
اصل قلبك مليان رحمة
حتي لو عجزت اناديك
تخرج يونان من بطن الحوت
وقت ما ببكي بصمت الصوت
بتسمع صوتي في وقت سكوت
وقت مجيئك دايما مظبوط
ابكي واصلي و بمهنش عليك