[walaa farouk]

الوقت اللي جه ينادي الله فيه صموئيل كان " قبل أن ينطفئ سراج الله" - وسراج الله ده كان الشمعة اللي بينوروها في الهيكل ودي بتطفي مع طلوع الفجر - وكأن الله اختار ينادي على صموئيل في أكتر وقت الدنيا كلها هادية فيه علشان يعرف يسمعه كويس، وفي العهد الجديد الرب يسوع طلب من تلاميذه انهم يروحوا مكان فاضي يستريحوا شوبة من المجهود بتاع طول النهار.. لو بتسأل نفسك مش عارف تسمع ربنا ليه؟ أنت محتاج تبعد عن كل الدوشة اللي حواليك، حتى الدوشة اللي بتبقى جواك وبصراحة دي بتبقى صعبة أوي لأنها طالعة منك أنت ومش بتبقى قادر تفكر ولا عارف تسمع أي حاجة، الله إله سلام لا تشويش، هدِّي نفسك قدامه هيكلمك إيه اللي مستنيه يكلمك فيه؟