انك تصارح كل اللي حواليك
بسر كبير جواك
بجرح عميق قوي
باكتر حاجة بقالك سنين
بتحاول تخبيها
بكل بجاحة مرة واحدة
كأنك بتقول
"انا كدة و ان كان عاجبكم "
احيانا تبقي صحية
..لأنك هتتفاجئ
ان رفضهم
اقل بكتير من توقعك
لكن لو كنت بتتحدي الرفض
و بتتوقعه بشدة
و خايف منه لدرجة
العند و الاعلان البجح
هتتوجع قوي من رفضهم
رفضهم للبطحة
و لبجاحتك
و لخوفك من رفضهم !
و هاتخسر شوية القبول
اللي كان فاضل في عيونهم
الصراحة #مجازفة