زي عمارة
اساسها اتعوج
بس مبانش الا مع اخر دور
ممكن ام او اب يبقوا فاكرين
انهم اتربوا احسن تربية
و عاشوا بافضل نفسية
و مع ذلك
الاعوجاج ظهر في عيالهم
في الدور الاخراني
او حتي الدور الاول
و الاب يفاجأ ان ابنه
المتدين ..الشاطر
الطيب
اتغير ..اهمل دراسته
و قعد في اوضته
او سلك في سكة المخدرات
و البنت الشطورة الناجحة
فجاة اتقلبت
و حياتها باظت
في الاول الاب بينكر
و يقول لا يمكن
ممكن محسود ..
لا تربيتي ولا تربيتهم ..و لا اي ظواهر
في البيئة
ينفع تتوقع اي ظهور لأي مرض نفسي
و احيانا الام بترفض
و بتتبري من ابنها المتغير
ابنك او بنتك فرصة
انك تتغير و تصلح اساساتك البايظة
مفيش اعوجاج من غير اساس
في الجدر
الجيني او في التربية
او حتي في اصول الدين
اللي انت اتربيت عليها !!