[souad jaalouk]

زوادةاليوم : ألموت من أجل سجن أوسع
بيخبّرو إنّو خلال الحكم التركي، اعتصمو المساجين وأضرَبو عن الطعام، بس ما حدا عرف ليه. كل المساجين حتى أكبر المجرمين شاركو بالإعتصام وامتنعو عن الأكل. مات بالسجن 14 رِجّال، ولما صار في ضجّة والكلّ عرفو بالقِصة، أحد الصحافيّين قرّر يسأل شو السبب وليش هالإعتصام، وفي ناس ماتو كرمال هالقضية. كان الجواب بكل بساطة: «الحكومة عَم بتعمّر سجن جديد ومطلبنا يكونو الغرَف أكبر».
الزوّادة بتقلّي وبتقلّك
من أجل نسمة هوا، شعاع شمس هربان، مساحة أوسع من الزفت، لحتى نمشي نوقف أو ننام، كرمال أمور كتيرة، في ناس بيقدّمو حياتُن، مرّات بتكون رخيصة بَسّ الحرية بتستاهل حتى نضحّي بحياتنا، والله معكن.