منتدى الفرح المسيحى - عرض مشاركة واحدة

walaa farouk · رقم المشاركة : ( 1 ) 23 - 07 - 2017, 01:43 AM

حاسة ان المسافة بينك و بين زوجك بعدت اوي...
العصبية بقت اكتر من التفاهم...
الكلام قل بينكوا...
تعالي نجرب نغير اسلوبنا لمدة اسبوع.. او اتنين...
* انتي عارفة هو بيحب اكل ايه عل غدا و مابيحبش ايه... اعمليله اللي بيحبه.. و بلاش تحطي التاتش بتاعك... 😉
* حطيله البيجاما بتاعته و الريموت في مكان واضح و ظاهر.. انتي عارفة انه مش هيلاقيهم لوحده لو عملتي ايه..
* حطي قانون للاولاد ان اللعب جوا غرفتهم بس... عشان يفضل البيت دايما رايق و نظيف..و امنعي اللعب جانب التليفزيون "خصوصا وقت الماتش"
* ابتسمي :D كل ما يبصلك.. بلاش ال ٨ ٨ دي ,وال 111 ..
* وطدي علاقتك بزوجات اصحابه... ادخلي جوا الدايرة بتاعته...
* امنعي كل مكالماتك و الرغي اللي مالوش لازمة و هو في البيت.. و خلي موبايلك بعيد عنك عشان متفضليش حاطة وشك في الموبايل طول ماهو موجود..حسسيه ان وجوده مهم...
* اقري في المواضيع اللي تهمه عشان تعرفي تتناقشي معاه و يكون في بينكو لغة حوار و مواضيع مشتركة..
* قوليله أنا عارفة قد اية انت بتتعب عشانا ...
* حسسيه انهه مصدر الاستقرار فى البيت .. مش مصدر الفلوس ...
* دوري علي اي لعبة او حاجة ترفيهية و اعملوها مع بعض مرة في الاسبوع... مشي.. تنس.. بلاي ستيشن .. بولينج..
* بلاش تنقديه او توبخيه لمدة اسبوع كامل... بالعكس امدحيه و اثني عليه ..
* بلاش تسأليه اسئلة كتيرة... او علي الاقل خلي السؤال بصيغة غير مباشرة...
* من اهم #احتياجات_الرجل ... الدلع و الاهتمام.. اتعبي شوية و حققيهمله عشان توصلي للتفاهم و السعادة معاه...
من اكبر نعم ربنا علي الانسان... #الزواج و الاسرة.. ابذلي كل طاقتك عشان تستمتعي بالنعمة دي و تخليها مصدر سعادة في حياتك.. عشان انتي تستحقيها..