[Rena Jesus]

احذري عريس المنظره showy .
ده راجل مانصحكيش تتجوزيه لأنه بيعمل كل حاجه في حياته علشان يتمنظر ادام الناس ،
تعرفيه ازاي :
هاتلاقيه دايما يتكلم بلغه الفلوس يتباهي بنوع الساعه وتمن العربيه ،
مدمن براندات حتي ولو مش لايقه عليه ،
دايما يتمنظر بقريبه فولان المركز الواصل وصاحبه فولان النجم المشهور ،
لامم حواليه شويه ناس يصرف عليهم علشان يحسسوه بأهميته لو خطبك يبقي علشان يتمنظر بحاجه فيكي ،
شكلك ،مركزك ،عيلتك ،
لو حسستيه انه مهم وعريس لقطه هايتنك علي اهلك ،
لو تجاهلتيه وحسيتيه انك حلم بالنسبالو وانه ولا حاجه هاتلاقيه بيجري وراكي .
النوع ده غالبا بيبقي مليان مركبات نقص وده بيرجع لأصله البسيط جدا قبل ما يتغني او ينجح فجأه