اكبر مشكلة في العلاقات
اننا عايزين نتحب
بطريقتنا
مش بطريقة من يحبنا
اصل كدة اضمن
اخاف يحبني بطريقته
ماتعجبنيش
اخاف استني يعمل طريقة
يحبني بيها
مايشبعنيش
انا عارفة باشبع بأيه
و ازاي
خلصني و حبني بطريقتي بقي
و نحط شروط
لو محبيتنيش بالطريقة دي
تبقي مابتحبنيش
تبقي ماتعرفنيش
انت ماحسيتنيش
و نحطه في الاختبار
لو عملت كذا هاصدقك
ولو معملتش هاكدبك
مهما عملت
حقك تتحبي زي مانتي عايزة
بس مش قوي
سيبي مساحة
لطريقته ..
سيبي الوقت
يختاره
اصل انا لو سيبته يختار
اخاف مايختارنيش !!