الطفل اللى مش بيسلم على حد غريب
مش رخم ...
الأب اللى مش بيرضى يجيب لابنه
شيبسي و مصاصة مش بخيل ...
الأم اللى مش عايزة تدى ابنها مضاد حيوى
مش قاسية و قلبها حجر ...
انك تقول على طفل طالع وحش لمين ده مش هزار ...
و انك تكسر كلمة الأب و الأم و تدى الطفل الحاجة اللى هم رفضوها دى مش جدعنة ولا طيبة قلب ...
انك تعلم الطفل حاجة عارف انها هاتضايق اهله و تضحك ، دى مش خفة دم خالص .
و انك تحكم على اى حد لمجرد انه ضد رأيك ده ضيق أفق منك ، العيب مش فيه.