[walaa farouk]

عندي موبايل قديم 📞من غير خط عليه شوية برامج اطفال سايباه لسيف يلعب بيه احيانا بدل ما يستخدم موبايلاتنا .

كان معاه فقولتله هاخده بس اظبط فيه حاجة و اخدته فعلا..
رد فعله انه ضربني 😨و هو مش متعود علي كدا
كنت لسه هاطلع دخان من وداني😤 و اخد رد فعل و اديله الي فيه النصيب 😄من المحاضرات الاخلاقيه

🤔سكت شوية...قلِبت الموضوع في دماغي🙄

و قولتله ..سوري يا سيف
اااااه انا الي اعتذرتله 😊
🙎🏻انا فعلا كان المفروض استأذن منك الاول قبل ما اخده واذا قولت (اوك )اخده و اذا قولتلي (لا) خالص ماخدوش
🙎🏻ممكن اخده يا سيف؟
👶🏻: لااا
🙎🏻:اوك يا حبيبي اتفضل الموبايل
( لان دا الي بطالبه بيه لما ياخد حاجتنا انه يستأذن الاول و لما نوافق ياخدها ،،، انما انا تعديت علي حقه من وجهة نظره كطفل ان دي #ملكيته و الصح اني استاءذنه بردو)

🌿قبل ما نطلب من الطفل احترام #الخصوصيات..نحترم خصوصياته الاول
🌿قبل ما نطلب منه يستأذن نعلمه #الاستئذان باننا نستخدمه معاه
🌿قبل ما نطالبه #بالاحترام ..نتعامل معاه احنا باحترام
🌿قبل ما نقولهم #ماتعليش صوتك ..نتكلم معاهم بصوت هادي
🌈عشان الطفل يكتسب مهاره احنا الاول الي محتاجين نتمرن عليها

نفس الموقف دا لو الطفل متضايق و قال لمامته .. انتي وحشه ..انا مابحبكيش😡.
متفقه تماما ان الرد او التصرفات دي غلط بس امتص غضبه و اراعي و افهم ايه الي خلاه يحس بالشعور دا الاول و اتواصل معاه و ابني علاقة حب و احترام معاه الاول .

عمرك ماهتغيري شعوره انك وحشه في نظره في موقف زي دا بزعيق او محاضرة في الاخلاق
التقويم الحقيقي #الداخلي بيجي بعد علاقة حب و تواصل .
العنف و الشده هاتصلحلك القشره الخارجية لحظيا فقط لا غير
و يبقي المضمون و الجوهر زي ما هو